Priye dosto,
Aasha kerta hu ki aap kushal purvak hogey..Meri iss kahani kaa shirshak hai MERA DOST RAJU
Apne blog ke liye kuch baatein soch raha hoo, yeh chotti si bhent usi kaa hi ek bhaag hai.
Yeh uss samay ki baat hai,jab hamari pichli gali me her ghar me gaye-bhens bandha kerti thi.
Tab hum bachey the.
Mera dost raju, aur uska hara bhara parivar, pichli gali me hamare ghar se hi judey hue rahte the. Unke paas bhens thi,jinke karan,
Raju (poora naam rajkumar sudeda), jiska bhai rippu (rakesh sudeda).. hum log khoob cricket khele. Khoob acha time nikala.raju aur me ek hi school me nursery se 8th class tak saath saath the
Raju ne hamesha jeevan ko ache se samjha ,achae se jaana.. he sure made it large.
Jab me 7th class me tha.. tab mujhe kasrat (exercise ) ka bahut shauk tha.
Subah uthne per me uthak baithak,and sit ups lagaya kerta..
Fir me ek patla ladka raha.
Tab hum ladayi - ladayi khela kerte the.jo ek prakar ki free style kushti thi.
Jo samne wale ka back ko jameen per laga degaaa.. who jeet gaya.
To baari meri aur raju ki bhi aayi.. ladayi ladayi shuru hui..
Aur raju ne to mujhe jo maara ,ki bus 1 minute me hi halat kharab ho gayi.
Garden pakad ker ghuma ghuma ker faenka..
Meri taraf se mere bhai log vikas aur mukesh ki hooting kuch kaam naa aayi.
Abhi me hara nahi tha.. bahut hi asmanjas ki sthiti thi.. kya keru.. haar jau,to jaan bach jaegi..magar izzat chali jaegi.
Khoob sochta gaya aur maar khata gaya..achanak ek devi prakat hui..jo raju ki mummy thi.
Raju ke mummy,matlab meri aunty ji ne apni Punjabi bhasha me raju ko bulaya kuch kaam ke liye,bhens se related koi kaam. Aunty ji ki voice me sharpness thi.
Aur me bach gaya.
Tab mere bhai logo ne kaha ki tu to itni kasrat kerta hai… yeh kya hua..
Magar me khush tha.. izzat bhi bach gayi aur jaan bhi.
Magar khushi jayada samay kaha rahti hai.
Raju kaam kerke vapas laut aaya,jaise 300 movie kaa leonayidus..aya tha jungle se bachkar.
Aur bola hamari LADAYI KA FAISLA NAHI HUA THA,, DOBARA SHURU KERO.
Mujhe aisa pratit hua ki abhi fir izzat dobara jaegi aur jaan bhi.
Magar kya keru,, samasya ka samadhan kaha per hai,pata nahi.magar samasya se bhaag (ellude) to nahi sakte.
Fir hum dono maidan me hazir ,ladne ko tyar.. maidan matlab, guddiya (uska poora naam mujhe nahi pata.. magar yehi wahi ladki thi,jiski badi bahan ki shadi ashish ke dost se hui thi…), ke ghar ka chabootra. Yeh ghar raju ke ghar ke samne hi tha.
Mere samne fir ek savaal aya, can I make it large..
Jawab tha nahi.
Fir ladayi shuru.. maine bhi usko boxer jamane ki koshish ki..
Fir achanak raju thoda slow hua..uske paer jameen per kaampne lagey.
Ladayi ladayi me hamare haatho ke beech me se maine dekha..ki uskne naak se laal khoon bahe ker uske mu tak pahuch gaya hai..uske daant contrast ke karan se jayada chamkeeley lag rahe the..
Aur ladayi khatam ho gayi.. meri izzat bhi bach gayi.aur jaan bhi..
Mujhe darr bhi laga ki kahi aunty ji ,mere ghar per shikayat naa ker de.
